殺人放火金腰帶 修橋補路冇屍骸

Source:
http://appledaily.atnext.com/template/apple/art_main.cfm?iss_id=20080930&sec_id=462&subsec_id=830&art_id=11664546

Edison 出 山 繼 續 玩 自 拍

因淫照事件而避走美國的陳冠希（Edison），最近高調登上本地一本潮流雜誌封面，宣傳其創作單位CLOT的最新時裝產品，看來Edison已正式出山。據悉相片由他在美國親自操刀，並揀選雙手合十的甫士作封面照，謂要以新產品宣揚互愛精神。

Edison又親自撰寫內文，不過他仍然筆鋒偏激，稱要「戰勝霸權的壓迫，以及他們對法律、裁判及傳媒的操控」，又指「要為下一代注入希望，帶領他們進入公義及平等的未來」 。

Son 說 Edison 又親自撰寫內文，不過他仍然筆鋒偏激，稱要「戰勝霸權的壓迫，以及他們對法律、裁判及傳媒的操控」，又指「要為下一代注入希望，帶領他們進入公義及平等的未來」 。

Son 說 公義? fuck you, what is 公義 sin?

malayer 說 佢呢D呢，喱埋揭下書就出黎傳道架喇，原諒佢喇。「 戰 勝 霸 權 的 壓 迫 ， 以 及 他 們 對 法 律 、 裁 判 及 傳 媒 的 操 控 」

malayer 說 睇到，我真係笑架..><

malayer 說 我反而唔明點解東touch真係咁義無反顧.....

springrollist 說 世事都給他看透

malayer 說 無論經過咩事，都可以繼續無咩醒覺，呢d 先係真功夫。

sheungyee 說 解左哂霸權又。

sheungyee 說 錯哂。

axewong 他是性戰組織領袖

Son 說 用性戰勝霸權的壓迫, 解放全世界女藝人

malayer 說 佢覺得霸權係傳媒呀~黎智英呀~

Confession

一．
嚇爆全hong kong preview nite，我與公司同事去了。不外乎在陰暗角跣出來嚇你、扮好兇惡地不眨眼望著你和突然很用力在你身邊拍牆發出巨響。頭五分鐘我驚了﹐但來來去去都是跣出來好兇惡和很用力我後來就忍不住狂笑。跣出來那些演員膝蓋上都有裝置﹐令他們跣出來時﹐膝蓋跟地面磨擦從而發出火花。好不幸地﹐本來演員看準了一個很好的時機﹐在轉角位sip一聲跣到我前面﹐我是應該驚的。但﹐好不幸地﹐他的火花裝置﹐齋跣冇火。我好大聲笑問﹐點解冇火先﹐搞錯點解冇火先﹐令同行好些本來冇火都會驚的同事都唔驚﹐該名演員亦只唯有好尷尬同時又好兇惡地望著我。後來我想say sorry﹐我知這樣跣一晚是好辛苦的﹐就算我唔驚亦唔應該大笑令其他人都唔驚他。其實他們都很專業。

二．
仍然是嚇爆全hong kong。鬼屋內我和同事行隊尾﹐突然有隻女鬼在我後面叫我﹐問你行最後你唔驚呀﹐我已經笑了﹐她追加一句因住有鬼黎捉你呀。此時我才看真她的臉。她的粧是蔡燶華粧！100% opacity 的眼影鼻影及腮骨影！對白加蔡燶華粧﹐我忍唔住指著她笑。笑到我同行的本來驚的同事也跟我一起笑。但女鬼若無其事繼續扮好兇惡。後來我想say sorry﹐就算我唔驚亦唔應該大笑令其他人都唔驚他﹐更加唔應該指著她來笑。其實他們都很專業。

三．
前輩再來電﹐半笑半鬧說知我怕﹐怕衰嘛。我說我認﹐你說甚麼我都認。又實在的我真心怕。但其實我想說﹐我冇得怕﹐因為其實已經衰左。

四．
昨晚貼的link是廣告。但必須再貼一次。我未看的﹐但覺得唔會係唔好睇。

親密 Claustrophobia

香港Hong Kong / 2008 / 彩色Color / 35mm / 100min
廣東話對白，中英文字幕 In Cantonese with Chinese & English subtitles
導演Dir: 岸西 Ivy Ho
主演Cast: 林嘉欣Karena Lam, 鄭伊健Ekin Cheng, 許志安Andy Hui

2008東京國際電影節競賽作品
Official Competition, Tokyo International Film Festival 2008

由 編轉導的岸西處女作，繼續遊走於她擅長的愛情小品路線，法國學成歸來的林嘉欣與演技漸入成熟的鄭伊健繼《戀之風景》後再續情緣。故事發生在辦公室含蓄又微 妙的愛情，狹窄的桌縫間讓員工之間變得親密，OL女生尋尋覓覓，陷於已婚老闆甜蜜又苦澀的情感空間。片中簡簡單單的五個人物，八場戲，典型的獨立文藝小品 格局，讓岸西更能拍出男女間錯綜複雜的感情瓜葛。林嘉欣演出擔了很重感情包袱的白領，內心戲手到拿來；金牌攝影李屏賓和著名造型奚仲文的加盟，讓岸西的文 字化成花非花的迷人畫面。繼《甜蜜蜜》和《男人四十》後，岸西的《親密》再次觸碰觀眾心靈深處。

本月食事

緻好茶館
星期五晚，金鍾開會完畢，抽起條筋要食西餐。八點幾九點，過Press Room搏一搏，要等二十分鐘，咁算囉。行過去Al Dente，門口排到非法集會咁樣，ok fine，走囉。本諗住返星街再食一次果間沒名字的日式燒，但實在太餓，行落泥街求其有位就入。緻好好多位。又唔係唔好食又唔係貴，唔知點解會咁多位。食過午餐，家常菜，勝在材料靚，home made菜肉雲吞都好味。叫左菜肉雲吞、煎銀雪魚、雲耳炒蜜豆及蛋白薑粒炒飯。唯獨係蛋白薑粒炒飯差D，唔會再叫。哩間野唔靚裝修的，不過靜靜地又唔係坐得唔舒服，可以再去。

Cafe O
星期六晚，十二點幾嘅中環，二十世紀少年完畢，唔想食茶餐聽或魚旦粉之類。上左車先呻笨點解唔行去flying pan。行過駱克道，有kabab有thai，都是唔想食的。盧押道cafe O囉咁。收一點，有pasta, pizza同 all day breakfast。叫左個pizza同一份sandwich。個mushroom pizza出奇好食。夜媽媽有靚pizza食，可以再去。

Press Room
話去好耐，順便過classified買個honey tasting pack。卒之星期日去食左個brunch。先叫左egg royale同black truffle fettucine。前者係其實係egg benedict加smoke salmon加包，哩D穩陣，個味唔會好錯，turn out係穩陣地好食囉。後者未食齋聞都香到死，食落當然好好味。不過brunch份量偏細，食完要再叫。後來叫多左Tarte à l’Orange同waffles，兩個都以後唔洗左叫。早知要Crème Caramel。我後面坐左一檯三個女人。所謂三個女人一個墟，而當三個女人都係講國語的時後，就更加令人難堪。吱喳到我都無心機繼續坐，食完就埋單走。一路行落中環，H&M, Comme, eYe, Hoods, MMM, 基本上一個崩都無跌（响nike買左件sweater唔計），非常好。點知落到188就買左崖の上のポニョ手稿......

金城茶餐廳
筲箕灣東大街爆好食茶餐廳，係我的同事帶我去的。炒粉麵飯好好鑊氣，首推斑腩炒河、摩囉雞飯同焗豬扒飯。勁大碟的，各位小心叫。

D17
well... 係因為有人生日先會去。係上樓的，食西式海鮮的。野係幾好食，但本人覺得熟嘅好過生的。但我都好俾面食左兩隻生蠔。我本來係唔食生蠔的。又OK喎。除左一般的cocktail sauce，佢仲有個話係自己研發嘅thai sauce，有香茅味的，幾好味。生嘅有深海龍蝦同蝦，佢地話深海龍蝦好喎。熟嘅有聖子、大蜆，兩個都好好味。仲有個溫泉蛋都good。俾佢吹漲的有shooter式mushroom soup。一小cup shooter咁嘅size，cappuccino d泡咁嘅texture，但又真係mushroom soup咁嘅味。問果度D人，話係特登㗎喎，係份子料理嘅方法處理過（我即刻諗起紅豆壽司)，將個湯打碎成泡，無咁膩喎..... 甜品佢地仲有鵝肝朱古力，周小姐唔小心食左一粒，個樣立即變晒。真係九唔搭八之最。令外又叫左好立克雪糕加honey comb。唔係好甜又好香麥味，個honey comb其實係D類似叮叮糖嘅野，總之無老點你係好食。

埋單幾貴﹐加上間野唔係特別靚﹐所以冇乜特別事應該唔會再去。



仲有間喺星街頭嘅沒名字的日式燒，好味到.... 尤其個燒魚頭!但我响openrice揾佢唔到。而家睇緊蔡瀾，佢連許留山都講呀救命。

好野黎, 買飛睇la

http://www2.cinema.com.hk/revamp/html/list_detail.php?lang=c&movie_id=3653

那風

從中環廣場走過會展那一段沒屏障的天橋
風大得像世界末日

最唔型

導演前輩臨放工時來電，她總是久不久來電看我死未，或死得出些甚麼來沒有。當然還是死唔去而同時甚麼也沒死得出。雖然，很巧合地，週末當我在為一項無聊的工作而加班時，我在想，在認真地想，我這個人老是他媽的那麼多情緒，是天要我實在地被如此虛無的事繼續虛耗下去，還是我該拿它來做點實事。當然是，諗完就算，繼續埋頭去舖排我的powerless的power point。

好了，說回那通電話。導演說要去東京電影節，很好呀我說！說做導演最唔型，很真呀我說！說著誰誰誰都咩喇點解你仲唔咩先。我話佢地咁都咩我點敢咩丫。她說做左先算喇。我話我做左可能我會變左好似佢地咁咩就死喇。她說除非我自殺她才會信我咩左，因為如果我咩左我肯定會自己接受唔到自己。i am so flattered。多晒。但我還是真心的，跟她說了要用我的話隨時出聲。然後更講了三次，不如你俾個角色我做。她問我你真係想做，我話真係想做，她說好她諗諗。嘻嘻哈哈了一句鐘。下次香港首影見喇。很好的人，她的戲希望你都會買票去看。

好了，說回那些情緒的事。她問了好多次你不如咩喇。問了半年。今次好因為我剛剛隨便又認真地想過不再虛耗的事，通話之後，離開辦工實的路上，或許真的是時侯。情緒好多，但我想說甚麼。翻來覆去，零碎紊亂，你估真係戀人絮語咩，只是完全不成大氣的一堆野。我失去了statement。我們在笑誰誰誰，但起碼他有statement，他有東西要告訴別人。就算他要說的是他是才子，先別理他有沒有可能是才子，再爛的好歹都是一句statement。我根本沒甚麼好說，更加沒甚麼需要說。這是一件要多打擊有多打擊的事。但願跨得過。meanwhile還是入廚房沖薑蜜。

有關蝕桌

有時代表只拿你應該拿的份兒。寫完，我自己都覺得過份。但，現實真相是，執輸行頭慘過敗家。有得攞唔攞盡，是笨是蠢是冇發達。可以行使未必屬你的權利而不行使，可以走捷徑而不走捷徑，是你太天真囉。太多人過度行使權力，所以萬六點都仲有得跌囉。太多人走捷徑，所以世界再無正路囉。全世界都係捷徑的時候，咁捷徑仲是唔是捷徑呢。只拿應該拿的份兒變成等於蝕桌，我建議生小朋友之前要諗清楚。你一係幫佢google map到一條實在正路，一係幫佢搵到一條真正捷的捷徑，如果唔係，唔好生唔該，你話我話嘅。

有關愛

往粉嶺的火車上，擾民的電視播著新聞，報導有關三鹿的事，再多一名嬰兒因腎衰竭去世。我在感慨國家不知要過多幾多年才會比較像樣，我爸說上面的人根本對道德毫無感覺。上面的人。我不禁問，香港好得了多少。五十三歲男教師夠膽辯稱與十歲的事主真心相愛，以為與事主有親密關係屬自然及正常。愛完來是大晒的。但到底什麼是愛。十歲小朋友口中的愛，就因為拿了你一部NDS而被你任意扭曲其意義。好可怕。就算現在小朋友早熟，真心愛了，又代表可以幹大人愛的時候所幹的事嗎。當然是籍口，奇就奇在有膽講得出。

很老實，真的要計的話，愛也許應該是蝕桌的。本著蝕桌的宗旨去愛的才是愛。對人的愛如此，對世界的也應如此。蝕桌有時代表真蝕（付出多過收穫），也有時代表只拿你應該拿的份兒。安守本份的人才會愛。又當然，什麼是本份，每個人有每個人的詮釋。定位恰當與否，重點在於你有幾多自知之明（要不就不會有港女出現）。定位過程是痛苦的是艱辛的。有人懶去做，有人怕去做。最終快樂與不快樂，受的是你自己，那沒問題。最差的是，這些懶的人淆底的人，好多時令好多其他人受著不必要的苦。對這世界好些，除了學會努力去面對自己，讓自己不成為生產痛苦的人，我有衝動去wikipedia的"愛"多加些解釋。我經常性無故的被歸類為憤青，可能是我偏激掛，但見著一城都是真心膠，好難唔動氣。

there is sth new every single moment

a new thing again.
look nice but obviously it's a mess at the back end.
wait to see it how it will go.




PopEgo

荷媽．我．像離地

一．
劇力萬均的月餅家族令我每日準時回家。那班後生的不好提，但荷媽跟嬤嬤著實的從心底牽著了我整個人。好意外對不？正如我不能明白為可有人會不能明白＜色戒＞裡面感情與現實的巨大矛盾。不明白也好，代表他們是幸福的人。每天追看，因為好想看見終有一天她們都不再要委屈，都可以安樂。朋友說這劇好嘈，為吵鬧而吵鬧，我心想這城哪處不嘈，而且到處都是為吵鬧而吵鬧的人。anyway。令我看得不舒服的，不是當中無聊的情節對白（老一輩的好戲實在令我原諒了編劇），而是，可否讓荷媽有一下的喘息機會，有一下的釋懷。黐頭芒們除了經常性自己攬作一團外，可否多去抱你們的荷媽一下。我知道，媽媽們都為兒女，兒女好就開心。但，難道連劇都要讓媽媽的自己萎縮到這個地步，擋完刀食完子彈之後，看著你們六個攬完就算冇事。大愛得太大，在如此塵世，很窩心也很可怕。

二．
明天CERN的LHC要開動了。你怕嗎。我們都在等待末日。我怕同時也不怕。我只好奇，如果真的撞開了時間空間的裂口，他們會公告嗎。

三．
按著facebook，profile上見到我的出生日期。突然，在想，那日子很遙遠。遠得彷彿近我沒關係。我真的在那天來到的嗎。我來幹啥？完全記不起。你有懷疑過自己的出生日期嗎。

四．
跟同事去買六合彩，他們笑我被combo。門口被查一次，賣飛窗口內的人再查我一次。

五．
季度南巡，發現工貿內兩個目的地之間有SIFT。其實應該一早知道，只是每次不是落空而垂頭喪氣走，就是累得要死返屋企。今次走樓梯，見到即入。Cup Cake個樣極精緻，我沒試，老闆說味道一般。我的double choco cookie就好好味。Eral grey is Harney & Son的，非常好，跟Mariage Freres都有得fight。

六．
那句忘記怎麼呼吸感覺氣味做人該謙卑沒什麼的。只是不斷的在我腦內繞著，繼天上風箏在天上飛地上人兒在地上追之後。

忘記怎麼呼吸感覺氣味　

做人該   謙   卑