Monday, November 30, 2009

有關慳D

是咁的。最近有寬頻商減價,100Mb的線竟然比我用緊的唔知8Mb還是10Mb平了近五成。我諗係無人無諗過話轉。所以我都有諗過話轉。

平五成,即大概一個月慳八十。講真,話多唔多,話少...um...一年下來其實都平成千蚊。咁慳一千蚊一年,繼續講真,話多唔多,話少...um...一千蚊可以訂一年monocle,可以買一張Air Asia特價機票去布吉,可以買一件undercover tee,夠運的話甚至可以晌warehouse執一見靚恤。一千蚊又或者可以夠我搭兩個月的士,又可以夠俾晌日本七日既data roaming daily pass,仲可以夠俾個幾月買煙錢。再唔係,去捐左佢都好。

其實,樣樣都慳DD,都真係可以做多好多野。我都要學下慳D。起碼,慳到,以上講個D野,可以cut減一半。