小企鵝大長征

好睇到不得之了。當然，一來係我本身好鐘意企鵝（企鵝b得意到不得了！），二來我唔怕慢，所以覺得好睇到不得了。最衰太古城個screen唔夠大，如果唔係就會睇得更加開心。

原 來企鵝好慘。齋行廿日再困0係個陸地上面五個月不吃不喝唔係點郁得零下七十度又大風又大雪，為只係為生仔，生完又係要行廿日先再有野食。但係生左個仔出0 黎，佢大0左就會自己走，絕對無孝順哩回事。記住，生仔對企鵝係無快感0既，相反係一個責任，免得自己絕種。勞碌捱餓，從來唔係為自己。好老套，但我知道 自己係幸福0既。

曾經見過一個佬，0係自己icq info裡面寫：
Everybody is a collector. But what we ultimately collect is memory.

我暗kaan笑左佢好耐。第一當然係因為佢concept錯，第二係因為我知佢寫句咁0既野純粹以為自己型0左。用錯concept仲要以為有型，唔笑你哩就有鬼喇．．．

人 係無野帶得走，包括"memory"。人同企鵝於生物鍊裡面的作用大致一樣，你以為我地為自己而活，其實我地只係一個用0黎保住DNA 0既殼。唔同0既係我地認知較多（只係用數量0黎衡量，唔代表人就係叻d）同控制能力較大，而哩D認知同能力就蓋過左人0既本質，令人不知不覺自大起0 黎。死0左就係死0左，死0左就係冇0左，要留住memory唔該用memory stick, sd card, xd card, compact flash等媒介。

雖然話最後係乜都冇，唔代表你要令哩個壽命比你更長0既世界變得更差。如果你覺得世界哩一刻係好的話，你要多謝前人不計較自己最後會乜都冇，而仍然出力令世界更好，令你我可以繼續享受，令人可以繼續。如果你覺得世界哩一刻係唔好的話，你要恨0既亦都係前人只顧自己。

記 住，作為一個殼，有權利享受，亦有義務讓其他殼得以好好繼續，因為你0既權利係建基於人地0既義務。唔洗同我拗，哩個唔係邏輯問題，哩個係個人價值觀問 題，實有人係覺得哩一刻0既自己係最緊要。講到尾，都係老套野，由於到頭來個個殼0既結果都只會一樣，所以過程緊要過結果。與其問你最尾想要D乜，不如問 下自己最尾想俾D乜出0黎。

好激動，所以唔能夠寫得好完整或者文字上冇乜修飾，請諒。


題外話：
野生企鵝生活0係最少零下四十度0既環境，咁夠竟海洋公園班企鵝係點0既哩？要剃毛？定其實．．．係人扮0架？！今個星期六要去研究研究．．．