東帝汶呀呀呀

星期日，返中學打左個白鴿轉，呃左一餐 home made risotto食。我估講都無人信，中學同學到今日只有三個有聯絡，但我同校長就OK friend。我都唔知點解。有宗教背景0既人事可能真係包容性強d掛，又或者佢都仲當緊我係問題學生掛，哈哈。其實我讀中學時一d都唔曳，未見過訓導未見過社工未Repeat過，只係少少自閉0者。

原來我畢左業好多年。我走0個年，學校140anniversay，而今年又已經 145．．．校長給了我一本今年出的校刊，第一頁當然係佢篇訓話加佢個頭。我一見就鬧，唔係嘛，好心用張新D 0既相喇陰公。跟住佢個assistant就以極速插咀話：係喇，你同佢影過啦，佢死都要用同一張相呀！原來佢哩五年來出publication，都係用我五年前0係一個function幫佢影落0既一張相。佢仲大大聲話，係呀我係鐘意哩張呀，無新架嘛，無計喇。我話，得得得．．．怕左你，影過。老實，其實我係有少少覺得開心0既。大家唔洗擔心，真係少少0者。張相只係好普通，我唔明點解佢0甘鍾意。

影相．．．我只係哩民到不得之了，雖然話我都做過收錢影相。D人成日以為要勁相機要勁人要勁technique。係鬼，你有眼就得啦。眼又有分先天同後天，你冇先天，後天補啦。影相講關係架，你要同你影0個件野有關係先得0架。

餐 risotto 好味，但亦未及後來的消息令人興奮。每一次見親校長，我梗問有無野搞。今次真係有喎，仲要係兩單堅野。第一單係帶D妹去菲律賓做fair trade。我舉腳呀，等D 0靚知道下佢地口趙緊0個件芒果乾令幾多個人捱緊餓，好過踢佢地去做 bio-dynamic farming喇。同佢地講哩d primary industry無impact架，返到0黎咪又係食飯食到天一半地一半。我報左名，話明齋影相我唔去架，我要做埋個program。

第二單仲勁，去東帝汶呀！無電無水問你死未。0個邊99年內戰燒左好多學校，大部份到今時今日仍未recover到。所以出年十月修會會去起學校同開班。有無人想捐錢？有就話我聽，我去安排。修會唔同樂施會0個d組織，佢地好少好大型咁對外做promotion，所以唔係好多人知哩d野。相反，佢地行政同 marketing都用少左錢，因此善款大部份都可以用0黎做野。

去東帝汶呀呀呀，有無人想去呀呀呀．．．


伸延閱讀：
維基百科／東帝汶