here comes the rainbow I

here comes the rainbow 1，又叫"地上的彩虹1：雙同人間"，由七條短片組成，是藍空間的project。曾於舊年香港Gay and Lesbian Film Festival作首映，亦是今個月9-27號，在百老匯電影中心舉行的Forbidden Lovers 的其中一部片 。朋友說暫時銷情不好，著幫忙宣傳一下。

我心諗，梗係喇。

同志片老早已是一個stereotype，要come out要loud，要與異性戀不同。這是真相嗎？老實，香港的製作，我從未看過一套像樣的關於同性愛情的片，長片短片也沒有。近期有李安的＜斷背山＞，未看，唔知。印象中，真的將同性愛情拍得好，拍得不是要與異性戀不同的就只有關錦鵬的＜藍宇＞，但仍始終覺得胡軍全裸那幕有點夾硬。＜蝴蝶＞就更不要提喇．．．連同性戀與雙性戀都搞錯左．．．

雖然我有份參與here comes the rainbow 1，但個人覺得這個project仍未脫離同志片的stereotype。不是拍得嘩眾取寵，就是唔知想點咁。於是，上一次討論會，觀眾的問題離不開兩個女仔係咁做(愛)架咩？其實你(導演們)點睇同性戀？之類的．．．唔知點解當日無人點名問我。

可事後producer同我講返，早一場的放映後，有個同志中堅老前輩點名追問，點解我有說話唔用自己個口講（我拍紀錄，拍一位朋友講愛情關係），問我到底係唔係（同性戀），係的話更加要自己講返。

迷離。

唔洗拍其他野喇，有導演有野要講咪自己走去個鏡頭前講飽算喇，係咁哩個世界唔洗打仗啦老細！我係的話，請問洗唔洗登報表述哩？下下都要人知自己與別不同？！ sorry我無哩個需要。我覺得愛一個男人同愛一個女人，本質上係唔應該有分別。你自己越覺得有分別，人家就更覺得有分別。成日講平等，連自己都覺得有分別，個等點平呀？搞惦個對性自己個取向0既優越感／自卑感先喇好嘛．．．

好彩我出0個場佢唔0係度，如果唔係又要開片。

Forbidden Lovers 所有戲我買飛有折，有興趣睇的朋友可以找我。