本月食事 - 開心新發現

Roka
有個星期日，下午買完 食送 行過，見佢靚靚地又有位又有少少餓，無理由唔食囉。食日本野的，叫左 set lunch，一個天婦羅一個滑蛋豬扒，好味喎，係decent日本野個D味喎。又叫左佢D所謂cleanser。其實係好多唔同款果汁撈埋，清清地似係食西野俾個sobert你清下D味果囉。唔平又唔貴，因為唔洗等位所以絕對可以再食。但聽聞dinner menu係貴好多的。

名苑酒家
其實成日行過哩間野都唔敢入，因為最怕門口貼哂一張二張雜誌報紙介紹。名係酒家，其實係有得炒幾味0既茶餐廳，然後又唔知點解有$48一碗翅食。咁我梗有叫翅喇，咁又梗係冇期望喇，$48你想點jack。咁點知又Ok喎個味。翅係有，咁當然係D翅邊，算多喇。怪就怪在好濃好足味0既上湯裡面，除左翅之外，係冇其它料的。炒左兩味，鑊氣ok夠。仲煎左條魚。我覺得比我上次去食住家菜仲要好。

新吉士
我一般般，唔驚喜又冇失望。我老豆就食得好開心，因為有臭豆腐。但無何否認，佢個兩面黃係真係好食。不過求其叫四個 食送 都六舊埋單，我無理由expect你唔好食0者。OK喇，但唔會特登翻綽囉。

山頭火
吉吉島revamp之後新駐場的。日牌日本拉麵，排隊排到癲。但一個字講哂：好食，堅係似返日本拉麵果D味。一定要再去。

大戶屋
又係吉吉島revamp之後新駐場的。又係排隊排到癲。又係食日本野。哩個價錢算好有水準囉。shop 完 supermarket 唔洗排的話係絕對可以再食的。但千祈唔好叫佢條乜鬼紅魚。冇味的。不過個冷麵就好good。

櫻路和果子店
係呀，仲係吉吉島revamp之後新駐場的。爆好食。賣豆沙飽的。有傳統紅豆餡又有生果吉士打餡。最好係佢D野有味而唔係一味甜。你知日本仔D甜野好多時淨係得甜味。紅豆異常出色。唔食就笨lu。我老豆忍唔住一食食左兩個。時為半夜十二點三。

我唔係好識食，所以我唔係寫食評，我淨係知我覺得好唔好食，所以形容詞多數都係好食同唔好食，同埋會再去食或唔洗再去食。係咁架喇，咪你想我點jack。