漫你個頭

寫開又寫，講開浪漫，到低什麼是浪漫？
那天在上海某CAFE，席間教父（不是PM）提出憂鬱抑鬱也是浪漫一種。眾人側目，潛台詞是「好心咪咁Old School」。當然，作為非Artist／Designer（係，我係文員，請咪再以為我識畫野），我的潛台詞與Mass無異，兼多加了一句「抑鬱？！你試過先講喇」。

然後我想，此話亦不無道理。浪漫分兩種，一種是從第三者角度看過去覺得好浪漫，另一種是局中人自覺好浪漫。

前者，針唔gut到肉唔知痛，將任何情緒放到最大就最令人動容，理你死人lum樓，越能在現實中偏離現實就越好。好浪漫，總之唔好搞到我就好浪漫。但當你在局中，死人lum樓一丁點都不浪漫。好慢就有可能，因為難過的時間過特別慢。

後者，因人而異，很難拿得準。你覺得洗四千去跟她去Four Seasons吃一餐好浪漫，我覺得洗四千其中三千五是食Service算是宇宙級笨。我自己serve她好過，因為我知我的service可以值多過三千五。不過，要是你真心覺得洗四千好浪漫，我都吹你唔漲。她生日我買張給三歲小朋友的生日咭你也可能覺得超低能勁搞笑，但我也有權覺得把她當成三歲的來照顧很浪漫。同時，你都吹我唔漲。一比一，打和。

作為一個非常入世的非Artist，當我想開一個新故事，就當然要作出非常入世的計算。要你讀到覺得gut痛你卻又其實唔關你事，要完全偏離現實但又很真實，要你讀到覺得浪漫又吹漲為止。所以我選前者。不是少女小說。少女小說沒有計算過的，只是染頭髮染六個小時太悶而寫出來的，所以算是非常 Artistic的一個piece。新的一個，未開，就開，準備開。要先計清楚，否則就像少女小說般，寫寫下唔知自己寫乜，但你地又好似好知我寫乜咁。 Anyway，新的一個會開，就開，準備開。寫到全世界都唔開心就最好。我要寫一個無死人無lum樓但又慘過死人lum樓的。



妖，講乜丫講，我識算得咁盡，我做左artis唔係做文員Lu。不過我見王貽興都叫做得，點解我唔得。講真我覺得你地都得，肯寫就得。

同埋我話寫之嘛，無話post出0黎。