Sunday, December 26, 2010

買物

再不寫消費的話,相信不會再有人來睇,沒人來睇,就不可能希望有PR會送我東西。所以,大海啊馬爾代夫的都先押後。

一.
早前自以為巧叻叻,好喜歡又減價但沒買的西褸,最終在聖誕前已收入本人衣櫃。感謝大王隨便的就將我忍住唔買野的功績一手打破。始終,有人送的感覺亦是非常良好的。

OK。說回西褸,再一次是,表面看上去是沒甚麼的,面料是灰白tweed,你看到時大概會說咪又係一件褸囉。係囉,我永遠死在看不出的detail位。西褸裡面全包骨,裡是半透紗布,見到每個褸袋的字。我知,唔是新野,但重點是:一,我無這樣的褸;二,有我size。著衫,其實最緊要都是自我感覺良好。有人買logo,有人買看不見的detail。是但喇,我都唔敢五十步笑百步鳥。









二.
日元高企,加上潮童之追捧,川久保玲是不斷在漲價。他們買心心tee心心knit買到連沒心的恤衫都貴埋。早三兩年,見到拼布款還是見一件買一件,現在見到價錢牌就要放下。其實日元七算時,在日本買是平很多的,不過未來一兩年都應該沒機會了。然而,天無絕人之路,你要洗的錢,終會有地方讓你洗出去。較早時間,在IT outlet買過原價二千多,減至幾百元一件的blackbarrett。當然不可要求像comme的有款,勝在價格合理,料至cutting都有質素。尤其當izzue的外套竟然標價$4999時,我找不到不買七折blackbarrett恤衫的理由。所以,我買多左一件。有興趣的,去outlet會見到好多,當季的在IT亦有七折。

三.
連卡佛是我最早發現有comme男裝加細碼的地方,但一向只得上身有加細。昨日赫然發現褲都有加細。我唔明,其實點解香港加細得咁少。在日本,基本上大部份款都有加細的。另,我又唔明,點解香港細碼都咁難買。香港男人真係咁細隻...

四.
收到柒食buddy handmade冷襪一對,非常感謝。雖然強調此為功課,但就算你跟我說這是唔要的,我其實都一樣多謝。

2 comments:

小奧 said...

香港人應該好大隻喎 lol

Son Lee said...

香港人大唔大隻我唔知, 我淨係知香港人好鐘意著細碼, 而我唔係鐘意著細碼, 我係需要著加/細碼 (哭)