豬仔錢罌

匯豐辦了個豬仔錢罌設計比賽，教小朋友儲錢，送來了一份豬仔錢罌kit。雪白的豬仔上，我嘗試拿起顏色筆畫點什麼。三數筆後，證實任何一位小朋友都該會比我畫得好，所以放棄。我還是負責入錢好了。

錢罌，是上中學以後再沒接觸過的東西。細個仔時覺得這玩意主要滿足大人們的期望，長大過來，尤其在這個世代，才發覺，一個錢罌其實最實在。我不太懂理財的事，也沒幾多關於錢的計畫，總之，對錢就是沒甚麼執著。儲錢的事，一路都只是有的沒的在執行著。關鍵在於，有沒有甚麼想做的事需要用錢。

是的，每個人都有信用卡嘛 。基本上可以想做就做，想買就買。那一種快感，非筆墨能形容。不過試多了，麻目了，就買什麼都不覺得特別有趣了。更大的問題是，買得太輕易，是最大機會買錯的。就如你去warehouse sale，四折五折六折，價格低得令你無慮即決。後來發現，只是買了一堆很平的東西，而不是買了一堆用得著的東西。

這個時代，什麼都快，貶值得更快。儲來的錢，雖然最後都是給我花掉，但過程給物件增值，自我感覺良好。得來不輕易的東西，才最珍惜。老套啊，不過是真的，所以沒辦法，都要老套一下。

thank you for accommodating my temper.
thank you for having you here, all the time.

白已告，十分需要討論

(對唔住，我懶，plurk那邊打了字就費事再砌文了。口語唔通順唔整齊，請見諒）

十分佩服，日本人可以用佢代表參賽奧斯卡。同old boys一類片唔同，告白是關於社會，而完全無出路的。困獸至極點，好危險。制作呀演員呀剪呀導呀係點呀其實唔係重點 (對我黎講)，佢潛台詞係我最困擾的事。我唔係想去judge。我淨係想知。so i guess i need to try to know the writer a bit more．．．可能係因為，個人認為唔係所有野都可以變作entertainment去被消費，that's why馮小剛的唐山大地震被吊爆鳥

等我回回氣先，am trying to search about the writer now．．．

search 湊佳苗，只搵到告白，無佢個人資料。ok go back to the issue。作為觀眾，睇得好緊張，覺得好緊湊，舖排方面當然係記一功。但其實重點係個議題，如果想講果句說話係無內容，舖極都係無用的。好喇，個議題係乜哩。家庭關係：重點係母子，三個呀媽出問題，攪到D細ge都出事。過份溺愛出事，唔理又出事，從正常程序教唔好而用另類教法又出事。法制問題: 日本法制已經不斷多方面被人評論，唔需要多講鳥。童黨問題：哩個嚴重D，首先大唔好所以細又癲，癲到失控，就0向佢地連自己都唔知自己失控時，大人反而利用佢地D失控。三樣野都非常明顯，唔需要話特別研究先睇得出，亦都講得非常到point。不過整件事都係無出路的0向個故事入面。總之就要死。生不如死果隻。

作為故仔當然drama非常。但我知道果d所有野，0向現實世界雖然或者未曾(或已經)以故仔入面的情節發生，不過故仔描述背後果種心態/意識，其實是存在的，而且並不算小眾。唔知係我問題定係咩，哩d社會問題，當故仔聽當成娛樂去消費，我好擔心。所以我覺得討論十分重要。

我唔係話吊你老未寫個故仔咁賺錢好仆街。唔係咁意思。而係我傾向相信佢想人關注問題。其實無人俾到答案果d問題的。但而家個世界衰乜野？咪就係衰在人唔夠自覺。

近日有個例子，我個人好深感受的。是凸首施政報告。一系列乜乜柒柒調控樓市措施，其實只係幫人上車，並唔係舒緩樓市。幫人上車，係幫你上車，但唔一定係架0岩 ge 車。ok。 說到底，又係刺激需求。吊你，而家香港d樓，咪就係（非正常的）需求過盛，所以泡沫loh。你仲毒人買樓？好啦，但香港主流媒體做左d乜？佢地走去訪問八十後，問佢地會唔會去apply置安心。得到答案係，好驚囉，一個月搵一萬多d，你幫我儲到首期之後其實要供樓都係好擔心。又或者覺得用市價去買樓係幫唔到佢地。又或者覺得2014先有一千個單位有鬼用咩咁。然後我見到fb有一jar唔知幾多十後，status狂炸狂吊。話八十後你知唔知要安居樂業係要付出ga？話八十後我幫你出首期再幫你供埋好唔好？點哩，其實，唔係有人唔想付出，只係點付都unable to pay the bill 0者。一jar唔知幾多十後，聽左主流媒體果種論述，就去吊八十後，而完全唔記得左，事件始末係點。哩d，我就count係唔自覺。而就係哩d唔自覺，搞到社會好鬼反智。

ok we go back to 告白

係啦，告白提出晒d問題，但無方法解決(係好正常的都話無人可以解決到ga lok，而我亦唔需要見到故仔大團完先開針)。但作為觀眾，係咪都當故仔睇完就算哩？我唔係話道德撚，只係想提出多一個面去處理哩套戲。（但我知到的，我唔講你可能都已經諗到同樣的野，唔係話我講出黎做opinion leader）因為習慣了將大問題變成純娛樂去consume，人就好易變成唔自覺，咁就．．．唔好鳥．．．

－　完　－

（後續）

人：but 自覺又如何呢 世界一路運行緊 只係會將大家推到末路 so 自覺成份是有的 but just 逃避

我：自覺又如何呢 < 咁哩個就去到個人價值觀問題鳥，是你自己的選擇。but i doubt, if you can really escape. which i dun believe anyone will be able to escape. 自覺係一步，行第二三四步要自己好用力。but if no one take the step 1, there won't be step 234. when no step 234 happen, means the world remain unchanged. when the world remain unchanged and the bad things happen on you, then you dun cry and moan loh. that's all and that's it.

港鐵新廣告真心仆街

或許該寫更多，但我行文從未如流水，對某些議題的表述有著沉重無力感，只能東湊西拼，扒一些別人的，貼一些自己零碎的，硬來合成一篇。只希望有多一兩個人留意（實在，會讀這裡的人不多），不一定要讚同我的立場，但起碼大家得個明白。在一個（自稱）成熟文明的社會，事情該是會越辯越明。

用(好虛偽的)謙遜將發展是硬道理合理化，我個人唔係好接受看著那個被擋著的大排檔,，讓我想起菜園村、大角咀的唐樓、八達通賣出香港接近三分一人的個人資料、地鐵上蓋的豪宅．．．真心唔好意思？愚民得有點過火了．．．或許這個四兩撥千斤的concept本來是非常出色，但用在這個context，我只能嘆氣。我也許不夠mass，又或過份sensitive（或憤青），但又有可能做的人社會觸覺比較弱一點，和對所謂發展沒太多立場。我不奢望話語權會有稍為平等的一天，可亦對某些一面倒感到失望。
－我在Facebook的留言

呢d係認小錯而避大過！
問題唔係阻住人一時咁小。
有d人家園被毀，有冇足夠補償比返人？
有d人一生生意心血盡失，點比返另一盤生意佢？
仲有d屏風樓，附近居民損失又點計？
如果要發展就有犧牲，點解每次都係最弱勢的人？
－高登巴打

累到你朝朝迫車畀人摸，唔好意思； 靜靜雞加咗你價，唔好意思； 起晒一排一排屏風樓，唔好意思； 掘爛晒啲路成年整唔番，唔好意思； 夾埋百達通出賣你啲私隱唔認帳，唔好意思； 鑽爛成個大角咀擺明唔賠錢畀你，唔好意思； 搞到你屋企田生都唔收，唔好意思； 大角咀嘅小明，聽冚家剷啦，係咁ga喇，唔好意思....
－「唔好意思」－－肉麻當有趣，刁娜媽，港鐵都算好意思 on YouTube

海豚與樹

長週末，厭了城市，在沒怎麼計劃下，兩整天都往郊外跑。近一年的外地旅行，我們放棄城市，去的都是看海看花看樹。其間總感嘆，為何自己的城市沒這樣的海沒這樣的花。原來很錯。我們有這樣的海有這樣的花。現在還有，下一個十年還有沒有，就不知道了。

城門水塘的白千層，說實的，跟北海道青い池，不算天與地的分別。當然城門的水沒北海道的藍，但其實我在萬宜水庫都見過那藍色。星期六的水塘，人很多，一家大細，兼且大細都是龍友。現在的八歲都拿D90的。（我該怎自處）其實我不介意人多。好地方，是要多些人能分享到，才是最好。（that's why we hate 魯連城, right?）記著啊，地方是大家的，你要拿好角度替太太女兒姨仔留倩影，本人深表同情及超級體諒，但總不能整天霸著一個景點的三份一位置吧。只要大家都懷著一個分享及愛惜的心情，人再多龍友的砲再大支，真的，也不是問題。

城門回來過後，本著前世好像未迫過的心，漏夜決定扮遊客，黃金週末去乘昂坪360。迫是迫到爆，但因為預訂了車票，上車過程尚算順利。只是在那不知所謂的市集吃過午餐，我已經完全找不到停在那不知所謂的市集的原因。＿你，大概又是價高者得市場主到的硬道理問題，那家拉麵給我們吃的，未及垃圾，但絕對夠讓人不再來。（雖然我們一早就打算去大澳）為什麼。為什麼是這樣的食肆。是景點就代表其他配套可以求其嗎。因此，我們比一早預定的更早離開那地方，去大澳。

我們在完全沒有了解大澳有啥好看之前就在大澳下了車 。一經過馬頭，大叔撲過來問廿蚊睇海豚睇唔睇，哇廿蚊有得睇唔係唔睇下嘛。但，呀，俾左錢先記起，要睇應該去join eco tour，因為這些用快艇求其載你出海中心的團，其實嚴重騷擾到海洋生物。but anyways，錢已俾 and pork bless us，中華白海豚六次出水。（我們之前的一團說什麼也看不到）後面一班wee哇鬼叫外籍人士十分討厭，不過看見粉紅粉紅的牠們，夠我們感動了。只是，海是淡淡泥黃色的，叫我覺得不好意思。是我們要牠們屈居於如此水質之中。如果你都想看牠們，就懇請好好對待我們的海。包括做個有公德心的人，及關心那些移山填海的所謂發展。

我不是環保戰士，甚至有過度消費傾向。但，以一種比較虛偽的論調，我想說，地球不屬於我們的，我們沒資格說開發就去開發。而，比較真心的表述是，好看的東西，要我花一點力氣去保護，我是願意的，因為我只想繼續看到。

(雖然條片唔係睇得好清楚)

城門的白千層