dear ibankers

一．
地獄式做工，加生日會，加去飲，整個星期都吃得太飽，整個星期都迷糊。想讀書時總去了打機，想打機時我又不知覺的睡去了，要睡的時間我反而醒著。亂。到底，我(們)有幾多時候，能夠說做就真去做。

二．
中學同學晚間小聚，兩個都是英國讀營養回來的。現在一個是半PT，一個賣藥。兩個都曾經令我有唔想再同佢地講野的衝動，但最後還是繼續一起喫煙吃飯的。賣藥的最近有麻煩，因為新男友住在屋村。爸媽不喜歡，其他朋友問你唔嫌佢local。她問我，她是否錯了。我問，他是不是一個好人。她說是。我說一點都沒錯。她問為何其他人會這樣。我其實想說唔係下嘛。但還是簡略提出了norm does not mean it's normal or rational or righteous的想法。不過還是加了句，那些他們都沒錯。但我個人質疑，像他們那般生活，可以有多快樂。最後她說，她曾經都那樣。別人有什麼，就覺得自己要有什麼。於是跟過每個weekend都帶她去wakeboard的人，未夠三十歲就架BMW的人，但發覺自己總是不太快樂。說下去就是，好彩我唔係做ibank，好彩佢唔係做ibank，好彩半PT都唔係做ibank。

三．
why ibank?是咁的。問她唔嫌佢local咩那個她，本來是她由細玩到大的好朋友，但年前入了Merrill Lynch，整個人就變了，變得會嫌人local。最大問題是，其實誰不是local... 說起來都怕。我見過另一個，都是ibank的，食一餐飯，八成時間在鬧個市唔好，個環境唔好。第一，請問，點解個市會唔好先。(做人唔該有D廉恥) 第二，個市好時，你班人就最好，個市唔好時，點數都不是你們最差。為什麼，你們是應該特別好的嗎。(而你們其實都已經比較好的了，仲嘈) 那些遊戲，好多人都可以入去玩，但實際有幾多人識玩，和有幾多人玩得掂。玩得掂，也許你都能在不斷的買和賣之間貢獻一下社會。要不，怎麼買怎麼賣還都不是一個自以為事是的凡人。

四．
最後，故事教訓係，唔係唔好做ibank，而係無人係天生特別應該比別人好。

五．
葡萄撚？！我係同時亦唔係。道不同，作為唔點再算係朋友，我唔想浪費時間聽優秀既你既廢話。我葡只葡萄，越有條件的人，總係越唔撚識做人。